დევნილთა და ეკომიგრანტთა სააგენტო სტიქიური მოვლენების შედეგად დაზარალებულ კიდევ 235 ოჯახს სახლებს შეუსყიდის. აღნიშნული ოჯახების სია სააგენტოს ვებგვერდზე უკვე გამოქვეყნდა.
იძულებით გადაადგილებულ 400-მდე პირს, თვითდასაქმების ხელშეწყობის მიზნით, ტექნიკა და ხელსაწყოები გადაეცემა. პროგრამის მიზანს, დევნილებისა და ეკომიგრანტების პროფესიული საქმიანობის მხარდაჭერა და მათთვის შემოსავლის წყაროს გაჩენა წარმოადგენს.
ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი მიხეილ სარჯველაძე, შერიგებისა და სამოქალაქო თანასწორობის საკითხებში სახელმწიფო მინისტრ თეა ახვლედიანთან ერთად, ქუთაისში, დევნილ ოჯახებს ესტუმრა და შობა-ახალი წელი მიულოცა.
აფხაზეთიდან დევნილი მარიანა მამარდაშვილი მეუღლესა და 5 მცირეწლოვან შვილთან ერთად ახალ წელს, ახალ ბინაში პირველად შეხვდა. 2025 წელს, დევნილი ოჯახებისთვის ღირსეული საცხოვრებელი პირობების შექმნის მიზნით, მნიშვნელოვანი ნაბიჯები გადაიდგა. თბილისსა და ქუთაისში, თანამედროვე სტანდარტების საცხოვრებელ კომპლექსებში, სრულად გარემონტებული ბინა 1 614 ოჯახს გადაეცა. ათასობით დევნილი - 852 ოჯახი ქუთაისში, ხოლო 762 ოჯახი თბილისში, ახალ 2026 წელს, ახალ ბინაში შეხვდა.